Батыс Қазақстан облысы Сырым ауданының прокурорлары кадастрлық құны 38 млн теңгеден астам 5000 гектар аумақты пайдаланылмайтын жер учаскелерін мемлекет меншігіне қайтарды.
Ведомствоның баспасөз қызметінің мәліметінше, ауданның жер пайдаланушылары ауыл шаруашылығы учаскелерін ұзақ уақыт бойы мақсатты пайдаланбаған.
Жіберілген бұзушылықтарға байланысты қадағалау актілері бойынша жер учаскелері мемлекет меншігіне қайтарылды. Қазіргі уақытта жерлер заңды экономикалық айналымға тартылуда.
Сонымен қатар, жергілікті атқарушы органдар Президент жолдауы аясында қайтарылған жерлерді ауылдық жерлерде тұратын адал субъектілердің пайдалануына беруді жоспарлап отыр.
Еске сала кетейік, бұған дейін Ұлытау облысының прокуратурасы аумағы 90 мың га пайдаланылмайтын жер учаскелерін мемлекет меншігіне қайтарған болатын.