Сыбайлас жемқорлыққа қарсы қызметте су тасқынын жою үшін бюджет қаражатын бөлу мониторингі мәселелері бойынша кеңес өтті.
Ведомство баспасөз қызметінің мәліметінше, Антикор мемлекеттік сатып алу мониторингі, бюджет қаражатын тиімді жұмсау, сондай-ақ «цифрлық теңге» арқылы «ақшаны бояу» енгізу жұмысын жалғастыруда.
«Өткен кезеңде сыбайлас жемқорлыққа қарсы қызмет органдары 69 талдау және мониторинг жүргізді, сыбайлас жемқорлық тәуекелдерін жою бойынша 565 ұсыным мен ұсыныс енгізілді <…> 17 млрд теңгеден астам сомаға қаражатты ұтымсыз пайдаланудың алды алынды», - делінген хабарламада.
Сондай-ақ ведомство басшылығы өңірлердегі сыбайлас жемқорлық тәуекелдері картасын іске асыру мәселелерін, «Бизнеске жол» жобасы аясындағы бизнес проблемаларын және басқаларды қарауды тапсырды. Антикор жыл басынан бері 43 проблемалық кейс бойынша 5 мыңға жуық кәсіпкердің құқығын қорғағаны хабарланады.
Сонымен қатар, биылғы жылы Антикор 488 қылмыстық құқық бұзушылықты тіркегені белгілі болды. Сыбайлас жемқорлық жасағаны үшін 296 адамды әшкереледі. Аяқталған қылмыстық істер бойынша 188 млрд теңгеден астам шығын өтелді.