Антикор Түркістан облысындағы фермерлер үшін суару суының бағасын көтеріп жүрген делдалдық фирмалардың қызметін тоқтатты.
Антикор баспасөз қызметінің мәліметінше, енді су беруші «Қазсушар» шаруашылықтармен тікелей келісімшарт жасасып, бұл бағаны екі есеге – 1 мың м3 үшін 766 теңгеден 421 теңгеге дейін төмендеткен.
Ведомство шағын және орта бизнестің мәселелерін шешуге бағытталған «Бизнеске жол» жобасын іске асыру шеңберінде бұзушылық фактілерін анықтағаны хабарланады.
Белгілі болғандай, жоба іске қосылғаннан бері Антикор 37 мыңнан астам кәсіпкердің құқығын қорғап, 768 проблемалық жағдайды шешті.
Сонымен қатар, жыл басынан бері 7 мыңнан астам кәсіпкер 83 жағдай бойынша көмек алды.