Бұрынғы мектеп директоры Түркістан облысында қызметтік өкілеттігін теріс пайдаланғаны және пара алғаны үшін кінәлі деп танылды. Сот оған 4 жыл 8 ай бас бостандығынан айыру жазасын және мемлекеттік қызметте лауазымдарды атқару құқығынан өмір бойына айыру түріндегі жаза тағайындады.
ІС ҚАЛАЙ ДАМЫДЫ
Бас прокуратураның мәліметінше, бұрынғы мектеп директоры К. міндетті тестілеуден және аттестациялық комиссиядан өтпей, педагогтарға біліктілік санаттарын заңсыз берген. Сонымен қатар, сот оны мұғалімнен пара алғаны үшін кінәлі деп таныды.
САЛДАРЫ ҚАНДАЙ БОЛДЫ
Сотталғанның әрекеттері 12 мұғалімге бюджеттен жалақыны негізсіз төлеуге әкеп соқты, жалпы сомасы 16 млн теңгеден астам.
ІС НЕГЕ ҚАЙТА ҚАРАЛДЫ
Алғашқы сот қарауында К. қылмыстық құқық бұзушылықтарды жасағаны дәлелденбегендіктен ақталған болатын.
Бас прокуратураның кассациялық тәртіппен енгізілген наразылығы бойынша ақтау үкімі жойылып, іс жаңа апелляциялық қарауға жіберілді.
СОТ ҚАНДАЙ ШЕШІМ ҚАБЫЛДАДЫ
Жаңа қарау қорытындысы бойынша сот оны қызметтік өкілеттігін теріс пайдаланғаны және пара алғаны үшін кінәлі деп таныды.
Оған 4 жыл 8 ай бас бостандығынан айыру жазасы тағайындалды. Сондай-ақ сот оны мемлекеттік қызметте лауазымдарды атқару құқығынан өмір бойына айырды.
