Жануарларды реинтродукциялау жобасы Ресей көшбасшысының Қазақстанға мемлекеттік сапары барысында Президенттер Қасым-Жомарт Тоқаев пен Владимир Путинге ұсынылды.
ПОПУЛЯЦИЯНЫ ҚАЛПЫНА КЕЛТІРУ БАҒДАРЛАМАСЫ ҚАЛАЙ ӨТУДЕ
Қазақстанда жолбарыстарды реинтродукциялау және популяциясын қалпына келтіру жобасы аясында «Іле-Балқаш» мемлекеттік табиғи резерватының аумағына төрт амур жолбарысы жіберілді. Жануарларды мамандардың бақылауымен табиғи ортада өмір сүруге бейімдейді.
Кейіннен бақылау үшін жолбарыстарға спутниктік жағалар тағылды. Олар жыртқыштардың қозғалысын қадағалауға және оларды табиғи мекендейтін ортаға жібергеннен кейін жай-күйіне мониторинг жүргізуге мүмкіндік береді.
ҚАЗАҚСТАН МЕН РЕСЕЙ ҚАНДАЙ КЕЛІСІМДЕРГЕ ҚОЛ ЖЕТКІЗДІ
Қасым-Жомарт Тоқаевтың Ресейге мемлекеттік сапары барысында 2025 жылғы қарашада тараптар Қазақстанға амур жолбарыстарын әкелу және бейімдеу бойынша бірлескен іс-шаралар жоспарына қол қойды.
Осы келісімдер аясында ресейлік тарап Қазақстанға төрт амур жолбарысын берді.
Бұл бастама Қазақстандағы жолбарыс популяциясының санын қалпына келтіруге бағытталған. Сондай-ақ жоба әлемдік биоәртүрлілікті сақтауға қосқан үлес ретінде қарастырылады.