В Өскеменде өндірістік кәсіпорындардың бірінің аумағында жарылыс болып, салдарынан өрт шығып, құрылымның ішінара қирауы орын алды. Алдын ала мәлімет бойынша, төрт адам ауруханаға жатқызылды.
КӘСІПОРЫНДА НЕ БОЛДЫ
Төтенше жағдайлар министрлігінің (ТЖМ) деректері бойынша, "Қазмырыш" ЖШС аумағында шаң ұстағыш құрылғы жарылған. Осыдан кейін ашық жану басталып, құрылымның бір бөлігі құлады.
Оқиға орнына келген бөлімшелер өрт фактісін анықтап, оны жоюға кірісті. Іс-әрекеттерді үйлестіру үшін жедел штаб құрылды.
ЖОЮ ЖҰМЫСТАРЫ ҚАЛАЙ ЖҮРІП ЖАТЫР
ТЖМ күштерімен кәсіпорын аумағындағы өрт оқшауланды. Құтқарушылар құрылымдарды бөлшектеп, өрт ошақтарын толық жойылғанға дейін суландыру жұмыстарын жүргізуде.
Оқиға орнында 40 адам жеке құрам және 10 бірлік техника жұмылдырылды.
ЗАРДАП ШЕККЕНДЕР ТУРАЛЫ АҚПАРАТ
Алдын ала деректер бойынша, төрт адам ауруханаға жатқызылды. Құтқарушылар ықтимал зардап шеккендерді іздеуді жалғастыруда.
ЭКОЛОГИЯЛЫҚ ЖАҒДАЙДЫ ТЕКСЕРУ
Шығыс Қазақстан облысы (ШҚО) экология департаменті мамандардың ауа жағдайын бағалау үшін оқиға орнына шыққанын хабарлады.
Ведомство санитарлық-қорғау аймағының шекарасында атмосфералық ауа сапасының аспаптық өлшемдерін жүргізуде. Зерттеу нәтижелері қосымша ұсынылатынын уәде етті.