Орал әкімдігі қараусыз қалған жануарларды аулауға негізгі қызмет түрі ет өңдеу және консервілеу болып көрсетілген «Өркен» ЖШС келісімшарт жасасты. Келісімшарт құны 9 млн 396 мың теңгені құрайды, ал бір жануарды аулау 5 мың теңгеге бағаланған.
КЕЛІСІМШАРТТЫ КІМ АЛДЫ
Конкурстық құжаттамаға сәйкес, сатып алудың жеңімпазы «Өркен» ЖШС болды. Ашық мәліметтерге сәйкес, компанияның қызмет түрлеріне «ет өңдеу және консервілеу», сондай-ақ «техникалық сынақтар мен талдаулар жүргізетін өзге де мекемелердің қызметі» кіреді, деп хабарлайды «Орал апталығы» басылымы.
Компания басшысы болып Мира Хайретдинова, құрылтайшысы болып Асылжан Хайретдинов көрсетілген. Ол сонымен қатар Ауыл шаруашылығы министрлігінің ветеринариялық бақылау және қадағалау комитетінің «Республикалық эпизотияға қарсы отряды» мемлекеттік мекемесі филиалының басшысы қызметін атқарады.
Келісімшарт аясында қала әкімдігі мердігерге 9 млн 396 мың теңге төлейді. Бір жануарды аулау құны 5 мың теңгені құрайды.
ҚАНДАЙ ЖҰМЫСТАР КӨЗДЕЛГЕН
Техникалық сипаттамаға сәйкес, мердігер міндетті:
- қараусыз жүрген жануарларды аулау,
- оларды уақытша ұстау орнына жеткізу,
- оларды өлтіруді жүргізу.
Сонымен қатар, аулаудың ізгілікті әдістерін қолдану талабы жеке көрсетілген.
Сондай-ақ кемінде 12 білікті маманның болуы көзделген. Жыл соңына дейін мердігер шамамен 2 мың жануарды аулауы тиіс.
ҚОҒАМНЫҢ РЕАКЦИЯСЫ
Қалалық қоғамдық кеңестің мүшесі Әзиза Арыстанова жануарларды қорғаушылар алаңдаушылық білдіргенін хабарлады. Оның айтуынша, ет өңдеу қызметі мен ит аулау арасындағы байланыс оларда үрей туғызады.
ӘКІМДІКТІҢ ҰСТАНЫМЫ
Орал әкімдігі тұрғын үй-коммуналдық шаруашылық (ТҮКШ) бөлімінің бастығы Асылжан Сүйінбекұлы мұндай жұмыстарға мердігер табудың қиын болғанын түсіндірді.
«Ит аулаумен ешкім айналысқы келмейді. Біз өзіміз іздедік, көрші облыстарға шықтық. Аулаушылармен үлкен мәселе! Жұмыстың бұл түрі иттер мен мысықтардың бір данасын аулауға арналған баға ұсынысы бойынша өткізілді. Облыс бойынша ешкімде мұндай қызмет түрі жоқ. Бұған дейін бұл жұмысты ветеринариялық станция қызметкерлері атқарған», — деді Асылжан Сүйінбекұлы.