Жамбыл облысы бойынша Қаржы мониторингі агенттігінің (ҚМА) департаменті «БМ» ЖШС басшылығына және басқа да еншілес компанияларға қатысты тергеу жүргізуде. Олар қылмыстық топ құру және акцизделетін өнімдерді өндіру мен өткізу саласында заңсыз кәсіпкерлікпен айналысуға күдікті.
ҚМА баспасөз қызметінің мәліметінше, бұрын 2010 жылы осындай қылмыстар үшін сотталған Махмадов Сұлтанның басшылығымен облыс аумағында лицензиясыз этил спиртін ірі көлемде шығару жолға қойылған. Заңсыз әрекеттерді жасыру үшін күдіктілер өндірісті биоэтанол мен жемшөп қоспаларын шығару ретінде көрсеткен.
Іс жүзінде кәсіпорын аумағында этил спиртін өнеркәсіптік масштабта өндіруге қажеттінің бәрімен жабдықталған жасырын спирт зауыты жұмыс істеген.
Белгілі болғандай, ұйымдастырушылар Жамбыл және Шығыс Қазақстан облыстарын, сондай-ақ Шымкент қаласын қамтитын өткізу желісін құрған.
«Аталған заңсыз өндірістерде келіп түскен спирттен тұтынушылардың өмірі мен денсаулығына елеулі қауіп төндіретін суррогатты алкоголь өнімдері дайындалған», - делінген хабарламада.
Тергеу іс-шаралары барысында құқық қорғау органдары 122 мың литр этил спиртін, құны 280 млн теңгеден асатын, тәркіледі. Сонымен қатар, өндірістік базадан 18 дана майнинг жабдығы табылды.
Сонымен бірге күдіктілердің 7 автокөлігіне тәркілеу мақсатында тыйым салынды. Сот шешімімен ұйымдастырушы деп танылған адам екі айға қамауға алынды.
Еске сала кетейік, қаңтар айында Шымкент қаласы бойынша ҚМА департаменті анықтаған жасырын суррогатты алкоголь өндірісінен түскен кірістерді жылыстату схемасы. Тінту кезінде күдіктілерден 9 мың литрден астам этил спирті, 24 мың жалған акциздік марка, дайын алкоголь өнімдері және 75 млн теңге тәркіленді. Жасырын цех қызметінен түскен қылмыстық кіріс 309 млн теңгеден астам деп бағаланды.