Директорлар кеңесінің мүшесі «ҚазМұнайГаз» ҰК АҚ, «Самұрық-Қазына» АҚ мүдделерінің өкілі Елжас Отыншиев вьетнамдық «Sovico Group» әуекомпаниясы «Qazaq Air» компаниясының қарыздарын 2044 жылға дейін өтейтінін мәлімдеді.
Bes.media деректері бойынша, Отыншиев желтоқсан айында экономиканы жаңғырту жөніндегі мемлекеттік комиссия «Qazaq Air» үлесін сату бойынша мәміленің негізгі шарттарын мақұлдағанын айтты.
Шарттарға сәйкес, вьетнамдық инвестор 2044 жылдың соңына дейін 38,4 млрд теңге көлеміндегі қарызды өтеуге, сондай-ақ бес жыл ішінде Boeing немесе Airbus өндірісінің 20 әуе кемесін сатып алуға, мерзімін екі жылға ұзарту мүмкіндігімен міндеттенеді.
Sovico компаниясы бұл шарттарды орындауға дайын екенін растағаны хабарланды.
«Жалпы, біз бұл талаптар Қазақстанның азаматтық авиациясының дамуына оң әсер етеді және логистика, туризм, сауда сияқты сабақтас салаларға, сондай-ақ қосымша, оның ішінде халықаралық рейстердің іске қосылуының арқасында оң әсерін тигізеді деп есептейміз», – деді Елжас Отыншиев.
Мәміле бойынша түпкілікті шешімді «Самұрық-Қазына» директорлар кеңесі мен үкімет жыл соңына дейін қабылдайды деп күтілуде.
Еске салайық, бұған дейін белгілі болғандай, вьетнамдық Sovico Group әуекомпаниясына Түркістан және Қызылорда әуежайларын сенімгерлік басқаруға ұсыну жоспарлануда. Көлік вице-министрі Максат Қалиақпаров бұл Sovico компаниясы «Самұрық-Қазына» ҰӘҚ АҚ-мен «Qazaq Air» сатып алу бойынша мәмілені аяқтағаннан кейін болатынын атап өтті.