Түркиялық инвестор Р. Шахиннің компаниясының 792,1 млн теңге көлемінде салық берешегі жиналған. Сонымен қатар, кәсіпкерге қатысты қарызды өндіріп алу бойынша 6 іс қозғалып, ол бірнеше азаматтық талап бойынша 3,73 млрд теңгені қайтаруға міндеттелген.
Telegram-арнасының «Чиновник» мәліметінше, Шахиннің «Қазақтелеком» АҚ алдында да берешегі бар. Осыған байланысты оған Қазақстаннан тыс жерге шығуға тыйым салынған.
Белгілі болғандай, инвестордың компаниялары құрылыс саласымен айналысқан, оның ішінде Түркістанның құрылысына да қатысқан.
Маусым айында түркиялық инвестормен байланысты «Феб Строй» ЖШС компаниясы сот шешімімен банкрот деп танылды. Кәсіпорынның мемлекеттік бюджет алдында 72,8 млн теңге көлемінде берешегі бар екені хабарланды.
Шахиннің тағы бір компаниясының бюджет алдындағы берешегі 155,8 млн теңгеден асады.
Қыркүйек айында кәсіпкердің сенімді өкілі О.А. Браткова компания мүлкін қазақстандық кәсіпкерлердің заңсыз басып алуы туралы мәлімдеген, алайда сот талқылауы барысында ол жала жабуда кінәлі деп танылған.
Еске сала кетейік, бұрын белгілі болғандай, вьетнамдық Sovico Group әуекомпаниясына Түркістан және Қызылорда әуежайларын сенімгерлік басқаруға беруді ұсыну жоспарлануда. Көлік вице-министрі Максат Қалиақпаров бұл Sovico компаниясы «Самұрық-Қазына» ҰӘҚ» АҚ-мен «Qazaq Air»-ды сатып алу бойынша мәмілені аяқтағаннан кейін жүзеге асатынын атап өтті.