Әлеуметтік желілерде Ақмола облысы төтенше жағдайлар департаментінің бастығы Бақытжан Алашовтың бұрын қылмыстық қудалауға ұшырағаны туралы ақпарат тарады. Төтенше жағдайлар министрлігі бұл фактіні растады, алайда мән-жайларды нақтылады.
«Бақытжан Алашов прокуратура органдарынан да, ҚМА-дан да өз еркімен жұмыстан босатылды», - деп БАҚ ТЖМ баспасөз қызметіне сілтеме жасап хабарлады.
Ведомство Алашовтың бұрын қылмыстық іс бойынша өткенін, алайда Маңғыстау облыстық сотының кассациялық алқасының қаулысымен қылмыс құрамының болмауына байланысты оның тоқтатылғанын түсіндірді.
«ҚР ҚПК-нің 37-бабының талаптарына сәйкес, сотпен ақталған адам, сондай-ақ осы Кодекстің 35-бабы бірінші бөлігінің 1), 2), 5), 6), 7) және 8) тармақтарында көзделген негіздер бойынша қылмыстық істі тоқтату туралы соттың, қылмыстық қудалау органының қаулысы шығарылған күдікті, айыпталушы, сотталушы ақталуға, яғни құқықтарын қалпына келтіруге жатады және ҚР Конституциясында кепілдік берілген құқықтар мен бостандықтарда ешқандай шектеулерге ұшыратылмайды», - делінген хабарламада.
Сонымен қатар ТЖМ шектеулі қолжетімділіктегі қызметтік материалдарды жария ету фактісі бойынша қызметтік тексеру басталғанын хабарлады.