Мәжіліс депутаты Азат Перуашев Стати ісі бойынша сот талқылауларына Қазақстан $544 млн-нан екі есе көп жұмсағанын мәлімдеді.
«Стокгольм төрелік сотының Қазақстанның Стати пайдасына $544 млн төлеу туралы шешімі күшін жойған жоқ. Ал кейбір БАҚ деректері бойынша, осы сот талқылауларына Қазақстан Стати талап етіп отырған сомадан екі есе көп жұмсаған», - деді Перуашев.
БАҚ деректері бойынша, мәжілісмен Стати ісі бойынша сотта ел мүддесін білдірген Bolashak Consulting group компаниясының тиімділігі мен адалдығына күмән келтірді. Сонымен қатар депутат Стати компанияларының қызметі Қазақстанға 140 млрд теңгеден астам залал келтірді деп санайды.
«Стати өз залалын $4 млрд деп бағалап, Стокгольм төрелік сотына талап-арыз беріп, өздеріне $544 млн тағайындауға, содан кейін Қазақстанның Ұлттық банкі мен Ұлттық қорына тиесілі активтерді $22 млрдтан астам сомаға және «ҚазМұнайГаз» АҚ акцияларын бұғаттауға қол жеткізді», - делінген хабарламада.
Еске сала кетейік, ФБРК редакциясы молдаван олигархтары Габриель мен Анатол Стати ісіне қатысты жағдайды мұқият бақылап, өткен соттардың қорытындыларын жариялады .
Қазақстанның Стати әулетімен сот талқылауларын үйлестірген – бұрынғы әділет министрі, қазір тергеу астында жүрген Марат Бекетаев және Bolashak Consulting Group консалтингтік тобы, деп хабарланды.
Құқықтық қорғау стратегиясы қазақстандық салық төлеушілерден сот кәсіпкерлер Статиге тағайындаған өтемақы төлемін кейінге қалдыру үшін жылына ондаған миллион долларлық шоттарды қаржыландыруды талап етті.Осылайша, әр жылдары Статиге қарсы соттарға Әділет министрлігі өз бюджетінің 22%-дан 48%-на дейін жұмсады. Мысалы, 2014 жылы Әділет министрлігінің жалпы шығыстары $173 млн құрады, бұл ведомствоның соңғы 10 жылдағы шығындарының ең жоғары көрсеткіші болды. Осы сомадан төрелік соттарға жұмсалған шығыстар $38,9 млн (Әділет министрлігінің жалпы шығыстарының 22%) құрады.Статиге қарсы төрелік соттарға ең көп ақша 2021 жылы жұмсалды - $60,3 млн, бұл министрліктің жалпы шығыстарының ($125,2 млн) 48% құрады. Айта кетейік, кейін Әділет министрлігі Bolashak Consulting Group компаниясымен ынтымақтастығын тоқтатты.Сондай-ақ бұрын Әділет министрлігі ел мүддесін шетелде қорғау үшін сенімді заңгерлер мен сарапшылар тобын құруды көздеп отырғаны хабарланған. Топқа тек отандық мамандар кіретін болады.