Антикор Шымкенті еңбек және халықты әлеуметтік қорғау комитетінің қалалық департаменті басшысының міндетін атқарушыға қатысты сотқа дейінгі тергеуді аяқтады.
Антикор баспасөз қызметінің мәліметінше, ол мүмкіндігі шектеулі балалардың ата-аналарынан жалпы сомасы 850 мың теңге көлемінде пара алды деп айыпталуда. Пара олардың мүгедектік топтарын келісу үшін берілген.
Паралар қаладағы емханалардың бірінің медбикесінің делдалдығымен берілген. Қазіргі уақытта айыпталушылар сотқа тапсырылды.
Еске сала кетейік, бұған дейін Атырау облысында «№2 ересектерге арналған арнаулы әлеуметтік қызметтер орталығы» КММ директоры Жәлекенова Г. мен бухгалтері Шмидова А. қатысты үкім жарияланған болатын. Олар 73 млн теңгеден астам бюджет қаражатын жымқырды деп танылды.