Абай облысында инвестициялық қызметті дамыту жалғасуда. Сәтті салынған инвестициялардың бір мысалы ретінде «Эйкос» ЖШС компаниясының Семей қаласында бірегей шина қайта өңдеу зауытын салуы болды.
_____________
Анықтама үшін: «Эйкос» ЖШС - Қазақстандағы автомобиль шиналарының ірі импорттаушылары мен жеткізушілерінің бірі, оның ішінде «ӨзенМұнайГаз», «ҚазТрансГаз», «KEGOC», «Қазақстан темір жолы» және т.б. кіретін 10000-нан астам корпоративтік клиенттері бар.
Төрт айдан аз уақыт ішінде зауыт 1000 тонна шинаны қайта өңдеп, шамамен 2,75 млрд теңге инвестиция тартты. Болашақта кәсіпорын жылына 12 мың тоннаға дейін шинаны қайта өңдей алады деп жоспарлануда. Қазіргі уақытта зауытта 85 адам еңбек етеді.
Кәсіпорынның қызметімен және жобаның перспективаларымен толығырақ танысу мақсатында БАҚ өкілдері мен Абай облысының Өңірлік коммуникациялар қызметі шина қайта өңдеу зауытына барды. Зауытта қайта өңдеудің екі әдісі қолданылатыны хабарланады: термиялық және механикалық.
Жылына 12 мың тонна пайдаланылған шинадан 600 тонна пеш отынын, 600 тонна брикеттелген гранулятты, сондай мөлшерде жоғары легирленген болаттан жасалған сымды, сонымен қатар әртүрлі фракциялы 6300 тонна резеңке түйіршіктерін, 1500 тонна металл кордты және 1600 тонна тоқыма талшығын алу жоспарлануда.
Резеңке үгіндісі плитка, суару шлангтары, спорттық және балалар алаңдарына арналған жабындар, сондай-ақ автомобиль аксессуарлары мен модификацияланған битум өндіру үшін қолданылатыны атап өтіледі. Кәсіпорын сонымен қатар су беттерін мұнай төгілуінен тазартуға арналған материалдар шығарады.
Бірегей шина қайта өңдеу зауыты жұмысының алғашқы нәтижелері туралы «Эйкос» ЖШС бас директоры Александр Соловьев айтып берді.
«1000 тонна шикізат қайта өңделді, 450 тонна резеңке үгіндісі, 50 тонна пиролиз майы шығарылды, 200 тонна металл (жоғары легирленген болат), сондай-ақ халық тұтынатын материалдар өндіру үшін қайта өңдеуді жоспарлап отырған тоқыма алынды. Зауыт жұмыс істеген кезеңде 3000 тоннадан астам пайдаланылған шина жиналды, үш рұқсатсыз автошина қоқысы жойылды», — деп атап өтті зауыттың бас директоры.
Абай облысын 2028 жылға дейін дамыту стратегиясы аясында аймақта жалпы құны 2 трлн теңге болатын 23 жобаны қамтитын инвестициялық жобалар пулы қалыптастырылғаны хабарланады. Олар шамамен 7 мың жұмыс орнын құруды көздейді.
Бүгінгі күні 7,5 млрд теңге сомасына 6 инвестициялық жоба жүзеге асырылғаны, соның арқасында 225 жұмыс орны құрылғаны атап өтіледі. Агроөнеркәсіптік кешенде 7,3 млрд теңге сомасына 17 инвестициялық жоба басталды.