ФБРК журналистері руксатсыз қоқыс үйіндісін Есіл өзенінің жағасындағы Sancy тұрғын үй кешені ауданынан анықтады. Су қорғау аймағына іргелес аумақта құрылыс қалдықтары, тасталған жиһаздар және органикалық тектес тұрмыстық қоқыстардың жиынтығы табылды.
Қалдықтардың су объектісіне жақын жерде орналасуы, әсіресе қар еруі ластаушы заттардың топырақ пен суға түсуіне әкелуі мүмкін көктемгі кезең қарсаңында алаңдаушылық тудырады.
Осы факті бойынша біз Астана қаласының әкімдігіне, экология департаментіне және санитарлық-эпидемиологиялық бақылау департаментіне ресми сұраулар жібердік. Сұрауларда анықталған бұзушылық туралы ақпарат және қоқыс үйіндісін жою бойынша тиісті шаралар қабылдау өтініші қамтылған.
Бұған дейін ФБРК редакциясы Астана су қоймасын кім ластап, елордалық аймақтың су ресурстарына экологиялық зиян келтіруге қатысты компаниялар мен тұлғаларды анықтап, талдау жүргізген болатын.
Қазақстанның қолданыстағы экологиялық заңнамасына сәйкес, қалдықтарды рұқсатсыз орналастыру әкімшілік құқық бұзушылық болып табылады және бұзушының мәртебесі мен келтірілген зиян көлеміне қарай әртүрлі мөлшерде айыппұл салуға әкеп соғады.
Біздің редакция жағдайды бақылауды жалғастырады және осы мәселені шешу үшін мемлекеттік органдар қабылдаған шаралар туралы оқырмандарға хабарлайды.