Павлодар прокуратурасы оңалту орталықтарының бірінің басшылығы мүгедектігі бар адамдарға әлеуметтік қызмет көрсеткені үшін заңсыз ақы алған фактілерін анықтады. Орталық жергілікті бюджеттен қаржыландырылатыны атап өтілді.
Ведомство баспасөз қызметінің мәліметінше, орталық басшысы жалған келісімшарттар жасасып, солардың негізінде мүгедектігі бар адамдар бюджет қаражатымен көзделген қызметтер үшін ақша төлеген.
Нәтижесінде кәмелетке толмағандардың өкілдері 7,6 млн теңге көлемінде шығынға ұшыраған. Павлодар полиция басқармасында алаяқтық фактісі бойынша сотқа дейінгі тергеу басталды.
Еске сала кетейік, 2024 жылғы желтоқсанда Түркістан облысында 84,3 млн теңге ұрлағаны үшін мүгедек балаларға арналған Мақтаарал оңалту орталығының директоры Нұржан Сүлейменов және бас бухгалтер Мадина Наурызбаева сотталды.