Павлодар облысында Экібастұз тұрғыны сотталды, ол WhatsApp мессенджерінде қаржы пирамидасын ұйымдастырған.
Облыстық соттардың баспасөз қызметінің мәліметінше, 2020 жылдың соңында ол «ЛайвСтайлер», «Карлығаш», «Ұмножайка», «Шанс» және басқа да топтар құрып, жоғары пайда уәде етіп салымшыларды тартқан. Шақырылған топ мүшелері ақшаны сотталушының және оның туыстарының шоттарына аударған.
Схеманың пайдалылығын көрсету үшін әйел жаңа салымшылардың қаражаты есебінен қатысушыларға ақшаның бір бөлігін төлеген. Қалған қаражатты ол жеке қажеттіліктеріне жұмсаған.
Мысалы, зардап шеккендердің бірі «ЛайвСтайлер» тобына кіріп, 2021 жылдың қаңтарынан қарашасына дейін сотталушыға шамамен 14 млн теңге аударған. Осы сомадан 8,5 млн теңге алаяқ зардап шеккенге қайтарған, ал қалған 5,4 млн теңгені иемденіп кеткен.
Сот Экібастұз тұрғынын кінәлі деп танып, оған 4 жыл бас бостандығын шектеу жазасын тағайындады. Сонымен қатар сотталғаннан 23 зардап шеккенге 26 млн теңге материалдық залал өндірілді.
Естеріңізге сала кетейік, бұған дейін Астанада тоқтатылған «Happy Life KZ» қаржы пирамидасының салымшылары 286 млн теңгеден астам ақша жоғалтқан. Барлық зардап шеккендер – оңай табыс туралы қызықты уәделерге сеніп қалған зейнеткерлер.