Алматы қаласының Алмалық аудандық сотында қалалық Орталық кеден зертханасының басшысы Сатыбалдиев А. және бас маманы Алибеков Б. сотталды.
Антикор баспасөз қызметінің мәліметінше, олар кеден сарапшыларының қорытындыларын жеделдетіп беру үшін кәсіпкерлерден пара алғаны үшін кінәлі деп танылды.
Сот Сатыбалдиев пен Алибековке әрқайсысына 7 жыл бас бостандығынан айыру жазасын тағайындады, сондай-ақ мемлекеттік қызметте және квазимемлекеттік мекемелерде лауазымдарды атқаруға өмір бойы тыйым салынды.
Сонымен қатар, кеден брокерлері Николасс В., Казанцев С. және Гаруни С. пара бергені үшін кінәлі деп танылып, айыппұл салынды. Сот актісі әзірге заңды күшіне енген жоқ.
Естеріңізге сала кетейік, тамыз айында Астанада кеден бекеті басшысының орынбасарына қатысты үкім шығарылды. Ол пара алуда айыпталды. Онымен бірге контрабандалық жүк әкелген және пара бергені үшін сотталған бір әйел де айыпталушылар лавкасында отырды.