Көлік министрі Марат Қарабаев журналистерге елімізде неге жыл сайын бірдей жолдар жөнделетінін айтты.
ORDA мәліметінше, министр жол жөндеудің бірнеше түрі – ағымдағы, орташа және күрделі жөндеу бар екенін түсіндірді. Оның айтуынша, әр уақытта жол жөндеудің әртүрлі түрлері жасалады.
«Айталық, бір шұңқыр бар, сол жерде орташа ағымдағы жөндеу жүргізіледі. Келесі жылы бұл шұңқыр қайта пайда болады — және қайтадан ағымдағы жөндеу жасалады. Бұл табиғи жол процесі», — деді Қарабаев Мәжіліс кулуарында.
Сондай-ақ, оның пікірінше, жолдардың тозуына белгілі бір дәрежеде автокөлік иелерінің өздері де кінәлі.
«Мысалы, ауыр жүк көліктері... Бізде нормалар бойынша оське түсетін жүктеме 25 тонна болуы керек. Құрылыс материалдарын әкелетін ауыр жүк көліктері кейде 100 тоннадан асады. Олар жолды бұзады ма? Әрине. Сондықтан қосымша жөндеу жұмыстарын жүргізуге тура келеді. Бірақ учаскелердегі ағымдағы жөндеу - бұл жыл сайынғы жұмыс», — деп қосты ол.
Сонымен қатар журналистер Қарабаевтың мұндай жөндеу жұмыстары арқылы кейбір адамдар ақша жылыстатады деп санай ма, жоқ па деген сұраққа жауап алғысы келді.
«Жоқ, мен олай ойламаймын. Бұл дұрыс емес. Бізде қаржы жетіспейді... Шығын көп болатын учаскелер бар. Астананы алайық. Онда жүргізіліп жатқан жөндеу - бұл жолдарды күтіп-ұстаудың табиғи процесі. Тағы бір сұрақ инновациялық технологияларды қашан енгізетіні туралы болды. Бұл қоспалар мен присадкалар. Олар қазірдің өзінде бар, 97 түрден астам», — деп толықтырды Марат Қарабаев.
Еске салайық, бұрын хабарланғандай, Батыс Қазақстан облысында биыл 579 км автомобиль жолдарын жөндеуге 114,4 млрд теңге бөлу жоспарлануда.
Сонымен қатар, Алматыда қаланың 274 көшесіндегі жолдарды жөндеу жоспарлануда. Олардың жалпы ұзындығы 250 км құрайды.
Оның үстіне, Астана әкімдігінің баспасөз қызметі хабарлағандай, елорданың бірқатар мердігер жол-құрылыс ұйымдары жұмыстарды өз қаражаты есебінен қайта жасауға мәжбүр болады. Көктемгі тексеру барысында бірнеше көшеде ақаулар табылғаны, онда жөндеу жұмыстары елорда әкімі Құлгинов болған кезеңде жүргізілгені хабарланады.