Астана прокуратурасы мемлекеттік сатып алулардың жосықсыз қатысушыларының тізілімінен коммерциялық компанияны заңсыз шығару фактісін анықтады.
«Қалалық прокуратура дереу әрекет етіп, ҚК-нің 206-бабы бойынша ақпаратты заңсыз жою фактісі бойынша қылмыстық іс тіркеді», - деп хабарлады ведомствоның баспасөз қызметі.
Тергеу барысында құқық қорғау органдары «Электрондық қаржы орталығы» АҚ (ЭҚО) бас маманын анықтады, ол автоматтандырылған ақпараттық жүйеге қол жеткізу мүмкіндігін пайдаланып, көрсетілген тізілімнен серіктестікті заңсыз шығарған.
Анықталғандай, қылмыстық схеманың ұйымдастырушысы коммерциялық компанияның директоры болған, ол делдал арқылы ЭҚО бас маманына көрсетілген қызмет үшін 10 млн теңге берген. Тергеу аяқталды, қылмыстық іс материалдары сотқа жіберілді.
Еске сала кетейік, бұған дейін Қостанай облысы Бәсекелестікті қорғау және дамыту агенттігінің (БҚДА) департаменті мемлекеттік сатып алуларды өткізу кезінде картельдік сговор белгілері бойынша «BW-invest» ЖШС, «Шебер-СВТ» ЖШС, «ТочкаОпта» ЖШС, «ДД и компания» ЖШС және «Reliable partner 2017» ЖШС 5 компанияға қатысты тергеуді аяқтаған болатын.