Батыс Қазақстан облысының прокуратурасы бәсекелестік шарттарын бұзуға байланысты Орал қаласының көше-жол желісін күтіп ұстау және санитарлық тазалау бойынша конкурсты жойды.
Ведомствоның баспасөз қызметінің мәліметінше, қаңтар айында қалалық әкімдік 5,3 млрд теңгеден астам сомаға екі ашық конкурс жариялаған.
Конкурстық құжаттамада әлеуетті жеткізушілердің жұмыс тәжірибесіне қатысты негізсіз талап анықталды, бұл мемлекеттік сатып алу заңнамасын бұзады және бәсекелестікті шектейді. Облыс прокуратурасының наразылығы бойынша конкурстар жойылды.
Өткен жылы қаланы күтіп ұстау бойынша осындай жұмыстар 6 млрд теңгеден астам сомаға бір жеткізуші игеріп, монополиялық жағдай жасағаны атап өтіледі.
«Прокуратураның талабы бойынша Бәсекелестікті қорғау және дамыту агенттігінің БҚО департаменті тергеу жүргізді, оның барысында Орал қаласы әкімдігінің ТКШ бөлімі тарапынан бәсекелестікке қарсы әрекеттер фактілері расталды», - делінген хабарламада.
Нәтижесінде уәкілетті органдар бұзушылықтарды жою туралы нұсқама енгізді және ТКШ бөлімінің басшысын 150 АЕК (589 800 теңге) мөлшерінде айыппұл түріндегі әкімшілік жауапкершілікке тартты.