Петропавлда сот мемлекеттік органды салық қызметі қайтыс болған қызметкерінің отбасына 34,8 млн теңгеден астам төлеуге міндеттеді.
Солтүстік Қазақстан облысы соттарының баспасөз қызметінің мәліметінше, лауазымды тұлғаның қайғылы қазасынан кейін оның кәмелетке толмаған үш баласын тәрбиелеп отырған жесірі мемлекеттік органға біржолғы жәрдемақы төлеу туралы өтініш білдірген, алайда бас тарту алған.
Шенеуніктер қаржыландырудың жоқтығына және мәселені басқа инстанциялармен келісу қажеттігіне сілтеме жасаған.
Жесір сотқа талап қойып, 58 млн теңгеден астам өндіруді талап еткен. Көрсетілген сома күйеуінің соңғы 12 айда алған табысының барлық түрлері негізінде есептелген.
Петропавл қаласының №2 соты іс материалдарын зерттей келе, қайтыс болған адамның отбасының біржолғы жәрдемақы алу құқығы заңнамада бекітілгенін анықтады.
«ҚР «Салық және бюджетке төленетін басқа да міндетті төлемдер туралы» Заңының 20-бабы 5-тармағының 1-тармақшасына сәйкес, салық органдарының лауазымды тұлғасы қызметтік міндеттерін орындау кезінде қайтыс болған жағдайда, оның отбасына немесе асырауындағы адамдарға соңғы атқарған лауазымы бойынша он жылдық ақшалай қамтылым мөлшерінде біржолғы жәрдемақы төленеді. Төлем бюджет қаражаты есебінен жүзеге асырылады», - делінген хабарламада.
Бұл ретте сот құқық ұқсастығын қолданды. Қайтыс болған адамның арнаулы атағы немесе шені болмағандықтан, ақшалай қамтылым мөлшері тек лауазымдық жалақы негізінде айқындалды.
Талапты қарау қорытындысы бойынша шешім ішінара талапкердің пайдасына қабылданды. Сот мемлекеттік органды жесірге 34,8 млн теңгеден астам төлеуге міндеттеді.