Жезқазғанда әскери қызметшінің аяғынан оқ жарақаты алды.
Telegram-арнасының «KAZAKH_INFORM» мәліметінше, зардап шеккен рота командирі болып, ол атыс дайындығы сабақтары кезінде нұсқаулық беріп жүрген.
Кейбір деректерге сәйкес, ол Жезқазған қалалық орталық ауруханасына жатқызылған.
Өз кезегінде оқиғаға Ұлытау облысы денсаулық сақтау басқармасы түсініктеме берді.
«Қазіргі уақытта оған ота жасалып жатыр. Нақтырақ ақпаратты отадан кейін ғана бере аламыз... Жағдайы орташа ауырлық дәрежесінде», - деп атап өтті ведомствода.
Қорғаныс министрлігі мен ұлттық ұлан түсініктеме беруден бас тартқаны хабарланады.
Еске сала кетейік, 13 қыркүйекте Алматы құрлық әскерлері әскери институтында сержант өз-өзіне қол жұмсады. Қайтыс болған адам курсант емес, келісімшарт бойынша әскери қызметші болған.
7 қыркүйекте Ақтаудағы «Батыс» өңірлік қолбасшылығының № 25744 әскери бөлімінде лагерь бойынша кезекшінің атуы салдарынан мерзімді әскери қызметші қаза тапты.
Кейін желіде видео тарады, онда қайтыс болған адамның әкесі ұлының бетіне оқ атқанын және мұны офицер жасағанын айтады.
Осы трагедия аясында бей-жай қарамаған азаматтар міндетті әскери қызметті жою туралы петиция жасады. Авторлардың пікірінше, Қазақстанда мерзімді әскери қызметті жою әскери қызметшілердің қайғылы қаза табу жағдайлары аясында өзекті болып отыр.