Маңғыстау облысы бойынша Бәсекелестікті қорғау және дамыту агенттігінің (БҚДА) Департаменті Түпқараған ауданы Таушық ауылының әкімі тарапынан бәсекелестікке қарсы әрекеттердің белгілерін анықтады.
Lada.kz мәліметінше, ауыл әкімінің аппараты мемлекеттік коммуналдық кәсіпорындармен аудандағы бәсекелестікті шектейтін шарттар жасасқан.
Ведомствоның хабарлауынша, әкімдік көше жарығы қызметтері бойынша негізсіз бір көзден мемлекеттік сатып алу конкурсын өткізген.
«Департамент ауыл әкімдігіне қатысты хабарлама түріндегі монополияға қарсы ықпал ету актісін енгізді, ол толық көлемде орындалды», — делінген хабарламада.
Нәтижесінде ауыл әкіміне 100 АЕК (393 200 теңге) мөлшерінде айыппұл салынды.
Еске сала кетейік, былтырғы қазан айында Ақмола облысында Есіл ауданының әкімі Серік Балжанов сот сұрауы бойынша мәліметтерді ұсынбағаны үшін айыппұлға ұшыраған еді.