Алматы облысында полиция қызметкерлері балаларды заңсыз саудалады деп күдіктелген қылмыстық топтың әрекетін тоқтатты.
Polisia.kz мәліметінше, «surak.baribar» әлеуметтік желісінде полицейлер кәмелетке толмағандарды асырап алу және қыз етіп алу сылтауымен заңсыз әрекетпен айналысқан адамдар тобын анықтады.
«Жедел-іздестіру іс-шаралары барысында облыстық ОҚБ қызметкерлері Қызылорда облысының тумасы болып табылатын 38 жастағы күдікті әйелді анықтады», – делінген хабарламада.
Полицейлер жариялаған кадрларда ОҚБ қызметкерлері әйелді ұстап, оның жанынан ақша салынған сөмкені тапқаны көрінеді. Сондай-ақ, бейнежазбада мезгіл-мезгіл нәресте көрінеді.
Кәмелетке толмағандарды саудалау фактісі бойынша полицейлер қылмыстық іс қозғады. Күдікті қамауға алынды.