Қостанай қалалық сотында жергілікті тұрғынның үй-жайларды су басу салдарынан келтірілген материалдық залалды өтеу туралы құрылыс салушыға қатысты азаматтық ісі қаралды.
Қостанай облысы соттарының баспасөз қызметінің мәліметінше, өткен жылдың қазан айында жертөле үй-жайлары су басып, нәтижесінде талапкер 2 млн теңгеден астам сомаға материалдық шығын келтірген.
«Қостанай-Су» МКК берген жауапқа сәйкес, жертөле үй-жайын тексеру кезінде су бұрудың ішкі желілерінде нормаларға сәйкес келмейтін тройник орнатылғаны анықталды», - делінген хабарламада.
Сотқа дейінгі талапқа берілген жауапта мүлік иелерінің бірлестігі (МИБ) инженерлік құрылыстар мен желілерді, оның ішінде кәріз желілерін құрылыс салушыдан қабылдамағанын хабарлады.
«2024 жылғы тамызда құрылыс салушының өкілі құрылыстың жобадан ауытқуларын көрсете отырып, ақаулық актісін қабылдады, алайда бұл бұзушылықтар жойылмады», - деп атап өтті сотта.
Құрылыс салушының тұрғын үйді бұзушылықтармен пайдалануға бергенін негізге ала отырып, сот қала тұрғынының талабын қанағаттандырып, жауапкерден шығын сомасын және сот шығыстарын жалпы сомасы 2 587 000 теңге өндірді.
Еске сала кетейік, бұған дейін Астанадағы «Адам Арманы» тұрғын үй кешенінің тұрғындары құрылыс салушы тарапынан жаппай бұзушылықтар мен үйді басқарудың жоқтығы туралы мәлімдеген болатын. Пәтерлер 2022 жылы сатып алынғанына қарамастан, көптеген тұрғындар әлі күнге дейін коммуналдық қызметтермен келісімшарт жасай алмай отыр. ТҮК «комфорт-класс» ретінде ұсынылғанымен, іс жүзінде «эконом-класс» деңгейіне де жетпейді.