ФБРК анонимдік ботына Қостанай облысы әкімдігінің дене шынықтыру және спорт басқармасының қызметіне шағым түсті.
Дереккөздің хабарлауынша, қысқа мерзім ішінде басқармада бірнеше басшы ауысқан. Алайда олардың ешқайсысы да дауыстап айтылған уәделерін орындай алмаған.
Мемлекеттік мекемедегі кадрлардың тұрақсыздығы спорт ұйымдарының жұмысында кешігулерге әкеп соғатыны атап өтіледі, ал басқарманың өзі, дереккөздің сөзіне қарағанда, «спортпен емес, кез келген нәрсемен айналысады». Сонымен қатар, аймақтағы спорт қызметінің мәселелері ведомствоның ерекше назарын қажет етеді.
Бүгінгі күні Қостанай облысы бүкіл Қазақстан бойынша спорт интернаты жоқ екі облыстың бірі болып табылады. Дереккөздің хабарлауынша, облыста спорт диспансері де жоқ, ал қалғаны туралы айтудың өзі артық.
Өтініш авторы мұндай жағдай жас спортшыларды спорттық мансабын басқа аймақтарда жалғастыруға немесе тіпті спорттық қызметін аяқтауға мәжбүр ететінін атап өтеді.
Сонымен қатар, дереккөз басқарма тарапынан көптеген тыйымдарға шағымданады. Атап айтқанда, үйдегі оқу-жаттығу жиындарын өткізуге тыйым салу. Дереккөздің айтуынша, қалалық спорт нысандары ұлттық құрамаға дейінгі кез келген деңгейдегі командаларға жиын өткізуге мүмкіндік береді.
«Сөйтіп, қостанайлықтарға тек тамақтануды ғана төлегеннен гөрі, жол жүру, тәуліктік, тұруға ақша жұмсап, жиынды басқа облыста өткізу тиімдірек болып шығады».
Дереккөздің айтуынша, басқарма бастапқы дайындық топтарының спортшыларын республикалық чемпионаттарға шығаруға, сондай-ақ кем дегенде бес ауданды жинамай, облыстық чемпионаттарды өткізуге тыйым салады, бұл аймақтағы спорттың дамуына кері әсер етеді.
Дереккөздің мәліметі бойынша, басқарма спортты дамытудың орнына негізінен оны цифрландырумен айналысады. Ведомство мемлекеттік қызметтер порталына балама ретінде жаңа «Метеор» бағдарламасын ұсынады, әрі дереккөздің хабарлауынша, бұл бұйрықтық тәртіпте жүзеге асырылуда.
«Спорт мектебіне қабылданған барлық спортшыларды жаңаша, дәл осы бағдарлама арқылы тіркеу керек. Сондай-ақ спортшылар спортзалға жаттығуға кіруге рұқсат болатын QR-код алуы қажет».
Жас спортшылардың ата-аналары, шамасы, жаңа енгізілімге онша риза емес, себебі қазір үйірмеге қатысу үшін көптеген құжаттар жинау керек: белгіленген үлгідегі медициналық анықтама, баланы жиын немесе жарыс өтетін жерге дейін еріп бару құқығына нотариалды куәландырылған сенімхат, тамақтануға, тұруға және жол жүруге қаржы алу құқығы, допинг сынамасын тапсыру құқығына сенімхат және тағы басқалар.
Хабарлама авторының айтуынша, жаңа жүйе жаттықтырушылардың да жұмысын қиындатады.
«Осындай күнделікті әбігердің артында спорт көрінбейтін және маңызды емес болып қалды - жаттықтырушының, оқу ісінің меңгерушісінің, БЖСМ директорының құндылығы уақтылы тапсырылған және әдемі рәсімделген есептер бойынша бағаланады».
ФБРК редакциясы жаңа «Метеор» бағдарламасын әзірлеу мен енгізуге қанша қаражат жұмсалғанын анықтауға ниетті.
Жалғасы бар…