Оқушылардың ата-аналары Алматы қаласындағы № 65 мектеп-гимназиясының асханасында санитарлық нормалардың өрескел бұзылғанын хабарлады.
Tengrinews.kz мәліметінше, олар әлеуметтік желілерде лас ыдыс, қабырғалардағы көгеріс және тамақ беруге арналған қоқысқа толы лифт көрінетін бейне мен фотосуреттерді жариялады.
«Тамақ беруге арналған лифтке ерекше назар аударған жөн – ол мақсатты пайдаланылудың орнына, іс жүзінде қоқыс жинағышқа айналған. Оның астында кір мен қалдықтар жатыр, қасында көгерген ыдыс пен өрескел антисанитарияның басқа да белгілері бар», - деп жазды автор.
Ата-аналар прокуратура мен санитарлық-эпидемиологиялық қызметке (СЭҚ) жүгінгеннен кейін мектепте тексеру жүргізілді. Алматы білім басқармасы анықталған бұзушылықтарды растады. Ведомствоның мәліметінше, мектеп директорына бақылауды әлсіреткені үшін тәртіптік жаза қолданылды.
Онда жағдай аудандық СЭҚ-ның назарына жеткізілгені, ал гимназияда тамақтандыруды қамтамасыз ететін кәсіпкерге қатысты белгіленген тәртіппен шаралар қабылданатыны атап өтілді.
Еске сала кетейік, бұған дейін әлеуметтік желілерде Жетісу облысы Талдықорған қаласындағы балабақшалардың бірінде түсірілген бейне тарап, қоғамдық резонанс тудырған еді. Кадрларда мекеменің асханасында тоқаштар мен басқа да өнімдердің арасында тарақандардың жорғалап жүргені көрінген.