Антикор ШҚО Қазақстан саңыраулар қоғамының «Шығыс» корпоративтік қорының басшысын алаяқтықта әшкереледі.
Ведомствоның баспасөз қызметінің мәліметінше, ол 115 млн теңге бюджет қаражатын иемденуге күдікті.
Бұл соманы ол мүгедектерге ымдау тілі мамандарымен сурдоаударма қызметін көрсеткені үшін төлем ретінде аударғаны хабарланды.
Еске салайық, сәуір айында белгілі болғандай, «Павлодар облысының жұмыспен қамтуды үйлестіру және әлеуметтік бағдарламалар басқармасы» ММ «Арт-Class» ЖШС және «Аюм и Д» мүгедектер қоғамдық бірлестігімен ноутбуктер мен ұялы телефондар жеткізуге келісімшарт жасасқан. Сатып алу сомасы 476 млн теңгеден асқан.
Алайда жеткізуші электронды техниканың арзан аналогтарын сатып алған, олар мәлімделген техникалық сипаттамаларға сәйкес келмеген. Осылайша, ол 133 млн теңгеге жуық шығын келтірген.
Мамыр айында хабарланғандай, Павлодар қаласы әкімдігі мен Павлодар ауданы әкімі аппаратының қызметкерлері бюджеттен 89 млн теңгеден астам қаражатты жымқырған. 2022 жылғы тамыздан 2023 жылғы қыркүйекке дейін олар мүгедектерге арналған жеке көмекшілердің жұмысы үшін заңсыз төлем алған.