Қазақстанда тас көмір өндіру қатарынан екінші жыл қысқаруда. 2024 жылы өндіру көлемі 112,6 млн тонна құрады, бұл 2023 жылмен салыстырғанда 3,2% аз. Бір жыл бұрын сарапшылар 1,4% қысқарғанын атап өткен еді.
Energyprom.kz мәліметтері бойынша, өндірістің 92% екі облысқа — Павлодар (67 млн тонна) және Қарағанды (36,5 млн тонна) облыстарына тиесілі болды.
Сонымен қатар, бір жыл ішінде қатты отын бағасы 10,4% өсті. Бір жыл бұрын өсім 9,9% құраған еді. Сонымен бірге, тас көмір бір жылда 8,6% қымбаттады. Бағаның ең жоғары өсімі Ақтөбе облысында — 24,6%, ШҚО — 15,8%, Абай облысында — 15,1% және СҚО — 15% тіркелді. Абай облысы мен СҚО үйлерінің жартысынан көбі қатты отынмен жылытылатын аймақтар қатарына кіреді.
Белгілі болғандай, 2024 жылғы желтоқсанда тас көмірдің бір тоннасының орташа бөлшек сауда бағасы 18,3 мың теңгені құрады. Ақтөбе және Қонаевта — 22-23 мың теңге.
Өз кезегінде отын бір жылда рекордтық 15,6% қымбаттады. Бір жыл бұрын баға өсімі 7,3% құраған еді. Бағаның ең жоғары өсімі Ақмола облысында — 34,1% тіркелді.
Өткен жылдың соңында отынның орташа бағасы текше метріне 11,9 мың теңгені құрады. Ең жоғары бағалар Астана және Көкшетауда байқалды — тиісінше текше метріне 17,3 мың және 16,1 мың теңге.
Естеріңізге сала кетейік, бұған дейін Қаржылық мониторинг агенттігі (ҚМА) заңсыз әрекетті тоқтатқан болатын, «Modern Trading Solutions» тауар биржасының басшылығы Шұбаркөл кен орнынан көмірді қосымша ақыға сатқан.