Батыс Қазақстан облысы Бәйтерек ауданы Петрово ауылының тұрғындарын Рожковское кен орнының маңынан көшіру жоспарлануда, мұнда мұнай мен газ өндіріледі. Ауыл Оралдан шамамен 80 шақырым қашықтықта орналасқан.
«Мой город» басылымының мәліметінше, бұл шешім кен орнының белсенді игерілуін ескере отырып, халықтың қауіпсіздігі мен санитарлық қорғалуын қамтамасыз ету қажеттілігіне байланысты. Сонымен қатар, ауыл тұрғындары кен орнының экологияға теріс әсер ететінін айтады.
Іс-шараның мерзімдері мен тәртібі туралы мәліметтер әзірге жарияланбайды. Аудан әкімі Марат Тоғжанов ауыл кен орнының санитарлық аймағына кірмейтінін, алайда жергілікті тұрғындар өз еркімен көшуге шешім қабылдағанын атап өтті.
«Көшіру біз бұған ақша тапқаннан кейін ғана басталады. Петровода 16 отбасы тұрады. Оның біреуі көпбалалы. Оларды көшіру үшін Январцево ауылында үйлер салу қажет. Қазір құрылыс қай жерде басталатыны туралы мәселе шешілуде. Бұған 300-350 млн теңге қажет болады. Ауыл тұрғындары көшу туралы ұсынысты өздері білдірді. Бүгінгі таңда ауылда бастауыш мектеп бар», — деп түсіндірді Марат Тоғжанов.
Еске сала кетейік, бұған дейін хабарланғандай, Атырау мұнай өңдеу зауыты (АМӨЗ) аумағында және жақын маңдағы тұрғын ауданда ауа жағдайы мен физикалық факторларға мониторинг басталды. Тексеру зауыттың айналасындағы санитарлық-қорғаныш аймағының түпкілікті шекараларын анықтайды деп күтілуде.