Басқарушы директор «North Caspian Operating Company» (NCOC) Джанкарло Рую Мәжілістегі отырыс барысында компанияның айыппұлдары мен экологиялық бұзушылықтары туралы сұраққа жауап берді.
Ulysmedia.kz мәліметінше, депутаттар Рюдан экологияны қорғау стратегиясының бар-жоғын сұрады.
«Сіздерге экологиялық талаптарды сақтағаннан гөрі айыппұл төлеу оңайырақ па? Неліктен экология туралы ойламайсыздар?» – деп сұрады депутаттар.
Рую компания елдің ішкі құндылықтарына үлкен көңіл бөлетінін айтты. Сонымен қатар ол NCOC-тың экологиялық мәселелері мен бастамаларын жеке-жеке қарастыру керектігін атап өтті.
«Мен нақты жауапты жазбаша түрде беремін. Осы екі мәселені бөлек қарастырғым келеді. Бізге жай ғана айыппұл төлеу оңайырақ деген мәлімдеме дұрыс емес – мұндай стратегиямыз жоқ. Біз осы елде жұмыс істейміз және үздік стандарттарды ұстанамыз, заңды сақтаймыз», – деді ол.
Сонымен қатар, Мәжілістегі отырыстан кейін NCOC басқарушы директоры журналистерге атымен жүгінгеніне қарамастан, сөзбе-сөз «қашып кеткені» белгілі болды.
БАҚ Рюдан компанияның тұрақты экологиялық бұзушылықтары, сот талап-арыздары және басқа да мәселелері туралы сұрақ қоюды жоспарлаған еді.
Айта кетейік, қаңтар айында Астанадағы сот NCOC-тан Қашаған кен орнындағы экологиялық бұзушылықтар үшін 3,5 млрд теңгеден астам өндіріп алу туралы қаулы шығарды. Сот шешімі бойынша компания төлеуге міндетті:
- 2 823 549 395 теңге – зиянды өтеу ретінде;
- 726 998 611 теңге – мемлекеттік кіріске;
- 73 840 000 теңге – мемлекеттік баж ретінде.