Мәжіліс депутаты Марат Башымов Жоғары аудиторлық палатасын (ЖАП) 2022-2024 жылдардағы тексеру нәтижелерін жариялауға шақырды.
Informburo.kz мәліметінше, ведомствоның сайтында олар 2022 жылдан бері жарияланбаған. Башымов соңғы аудиторлық қорытынды 2022 жылғы 11 тамызда жарияланғанын айтты.
Мәжілісмен Назарбаев Университетіне мысал келтіріп, 2024 жылғы желтоқсанда 73 млрд теңгенің тиімсіз жұмсалғаны туралы ақпарат пайда болғанын жеткізді. Аудиттің толық нәтижелері жарияланбаған, дегенмен жоғары оқу орнының басшылығы тексеру қорытындыларына жария түсініктеме берген.
"Аудиторлардың қызық логикасы: ақша мемлекеттік, қызметі әлеуметтік маңызды, бірақ ол қандай да бір жолмен құпияландырылған", – деді Башымов.
Депутаттың пікірінше, білім, медицина және әлеуметтік сала мәселелері жұртшылық үшін ашық болуы керек.
"Бүкіл әлемде бюджеттік есептер ашық және айқын. Сондықтан, жоғарыда айтылғандардың негізінде, Жоғары аудиторлық палатадан 2022-2024 жылдардағы тексеру нәтижелерін дереу жариялауды, бюджеттік процесс пен аудиторлық бақылаудың ашықтығы туралы конституциялық нормалардың қатаң сақталуын қамтамасыз етуді сұраймыз", – деп қорытындылады Башымов.