Екі блогер Түркістан облысында бопсалау үшін ұсталды. Өңір прокуратурасының баспасөз қызметі хабарлағандай, олар аудандағы мектептердің бірінің директорынан оның іскерлік беделіне нұқсан келтіретін әлеуметтік желідегі жазбаны алып тастау үшін 100 мың теңге талап еткен.
«Сайрам ауданы прокуратурасының үйлестіруімен жүргізілген арнайы жедел-іздестіру іс-шаралары нәтижесінде полиция қызметкерлері ақшаны алған кезде бопсалау фактісі бойынша екі адам ұсталды», - делінген хабарламада.
Осы факті бойынша уәкілетті органдар ҚР ҚК 194-бабының 2-бөлігі («Бопсалау») бойынша сотқа дейінгі тергеуді бастады, күдіктілер 2 айға қамауға алынды.
Кейбір БАҚ мәліметтері бойынша, айыпталушылар мектеп директорынан ғана емес, дәрігерлерден де ақша бопсалаған.
Еске салайық, бұған дейін құқық қорғау органдары ұстаған Семей тұрғыны алаяқтық үшін бірнеше рет сотталған болатын. Ол бірнеше жыл бойы «блогер» болып таныстырылып, Семей арқылы өтетін жолаушылар пойыздарының қызметкерлерінен беделіне нұқсан келтіретін бейнематериалдарды тарату қаупімен ақша бопсалады деген күдікке ілінді.