Ақмола облысында жалған рұқсат құжаттарымен жұмыс істеген балалар лагері анықталды. Бұл туралы облыстық полиция департаментінің баспасөз қызметі хабарлады.
31 шілдеде Целиноград ауданының полиция бөліміне бір ауылдағы балалар лагерінің қызметі туралы ақпарат түсті. Лагерь жұмысы уәкілетті органдармен келісілмеген.
Осыған байланысты ҚК-нің 385-бабы, 3-бөлігі («құжаттарды, мөртабандарды, мөрлерді, бланкілерді, пошта төлемінің мемлекеттік белгілерін, мемлекеттік наградаларды қолдан жасау, дайындау немесе өткізу») бойынша сотқа дейінгі іс жүргізу басталды.
Жедел-іздестіру іс-шаралары кезінде полиция қызметкерлері болжамды ұйымдастырушының жеке басын анықтады — Астананың 40 жастағы тұрғыны. Қазіргі уақытта оның заңсыз әрекеттерге қатыстылығы анықталуда.
Бұған дейін Ақмола облысының санитариялық-эпидемиологиялық бақылау департаменті хабарлағандай, 16 жоспарланған балалар сауықтыру орталығының тек алтауы ғана жұмыс істеуге рұқсат алды.