Бас көлік прокуратурасы Қытайдан экологиялық талаптарға сәйкес келмейтін жүк көліктерін заңсыз әкелу арнасын анықтады.
Ведомствоның баспасөз қызметінің мәліметінше, Қазақстанға жалған құжаттармен 150 млн теңгеден астам сомаға көліктерді әкелу әрекеті жасалған.
Қылмыстық істің тергеуі бас көлік прокуратурасының сотқа дейінгі тергеу басқармасына жүктелді.
Естеріңізге сала кетейік, қаңтарда Жоғары аудит палатасы (ЖАП) бюджеттің көлеңкелі автокөлік импортынан ықтимал шығынын 71 млрд теңгеден астам деп бағалаған болатын.
ЖАП төрағасы Әлихан Смайыловтың премьер-министр Олжас Бектеновке жолдаған құжатында 2021-2023 жылдары жеке тұлғалардың декларация бойынша рәсімделген тауар импорты 6,5 есеге өскені хабарланған. Бұл ретте 94% - 1,4 трлн теңге сомасындағы көлік құралдары.