Астана жұқпалы ауруханасында науқас әйелге кешкі асқа ботқа берілген, оның ішінде ақ құрт табылған.
KTK мәліметінше, оқиғаны қыздың палатасындағы көршісі тіркеп, кейін ақпарат әлеуметтік желілерде тараған. Құрт өлі болған, болжам бойынша термиялық өңдеуден өткен. Науқас әйел шокқа ұшыраған.
«Медбике келіп, оған: «Қараңыз, менің ботқамнан құрт шықты» дейді. Ол шок жағдайда – біз күн сайын құрт жемейміз ғой! Бұл жалғыз жағдай емес екенін естідім. Түсінгенімше, бұл олар үшін қалыпты жағдай. Мен ас блогының меңгерушісіне осы құрттан кейін ботқаны жемейтінімізді айттым. Ол күліп: «Қыздар, жеңіздер, бұл ақуыз ғой!» деді», — деді палатада болған Гүлназ Надирханова.
Жұқпалы орталық бөлімшесінің меңгерушісі Ақбота Әбішбаева да болған оқиғада елеулі мәселе көрмеген.
«Бұл пісірілген ботқадағы зат қой. Олай болжайтын болсақ, үйде де осындай жағдай болуы мүмкін. Кейде болады, тас та түсуі мүмкін. Бұл белгілі бір уақыт бойы дайындалған, яғни жеп қойсаңыз да — ештеңе болмайды», — деді ол.
Алайда мекеме директоры Зекен Исаков басқа пікір білдірген. Оның айтуынша, егер құртты жармамен бірге пісірсе, тамақ ішу кезінде байқалмас еді.
«Бұл қандай да бір керемет жағдай! Ботқаны пісіру кезінде осындай тұтас күйінде… Менің жалпы белгілі бір сұрақтарым бар. Фрагментті анықтауға болар еді, ал міне, мүлдем жаңа «өнім». Бізде тамақтану аутсорсингте», — деп атап өтті ол.
Науқастардың тамақтануына жауапты «Astana Construction – 2050» ЖШС ішкі тексеруді бастағанын мәлімдеді.
«Құрттың шығатын жері жоқ. Біз жарманы сатып аламыз, екі апта сайын жаңа сатып алу жүреді. Сондықтан қайдан екенін білмеймін. Қазір анықтап жатырмыз. Мүмкін, біз жарма сатып алатын қоймада, жеткізушіде тауардың тозығы жеткен болар. Өйткені қап жабық, ішіне кіре алмаймыз», — деп түсіндірді компания директоры Ботагөз Акімбекова.
Жұқпалы аурухана басшылығы компанияға шағым хат жолдаған. Алайда келісімшарт бұзылмайды: мердігер науқастарды тендер мерзімі аяқталғанша, яғни ағымдағы жылдың соңына дейін тамақпен қамтамасыз етуді жалғастырады.
Естеріңізге сала кетейік, бұған дейін әлеуметтік желілерде Жетісу облысы Талдықорған қаласындағы балабақшалардың бірінде түсірілген бейне тарап, қоғамдық резонанс тудырған болатын. Кадрларда мекеменің асханасында тоқаштар мен басқа да өнімдердің арасында тарақандар жорғалап жүргені көрінген.