Алматы облысының табиғат қорғау прокуратурасы эпизоотиялық қауіпсіздік нысандары – ауыл шаруашылығы жануарларының өлекселерін жерлеуге арналған арнайы орындар жұмысында санитарлық-экологиялық заңнаманың бұзушылықтарын анықтады.
Ведомство баспасөз қызметінің мәліметінше, өңірде 46 мал қорымы жұмыс істейді, олар көп жылдар бойы міндетті экологиялық рұқсаттарсыз және топырақ пен жер асты суларының жағдайын бақылаусыз жұмыс істеп келеді.
Сонымен қатар, табиғат қорғау прокуратурасы жануарларды жерлеу тәртібінің бұзылуын анықтады, бұл экожүйеге және халықтың денсаулығына қауіп төндіреді.
«Тиісті бақылау мен рұқсат құжаттарының болмауы қоршаған ортаның ластануына, жабайы және үй жануарлары арасында індеттің таралуына, сондай-ақ халықтың денсаулығына кері әсер етуі мүмкін», – делінген хабарламада.
Белгілі болғандай, барлық нысандар жергілікті атқарушы органдар мен облыстық ветеринариялық станцияның балансында тұр.
Тексеру нәтижелері бойынша Райымбек, Кеген және Ұйғыр аудандары әкімдіктерінің лауазымды тұлғалары, сондай-ақ облыстық ветеринариялық станцияның басшылығы әкімшілік жауапкершілікке тартылды. Қазіргі уақытта анықталған бұзушылықтарды жою бойынша жұмыс жүргізілуде.
Еске сала кетейік, шілде айында Ақмола облысы Атбасар ауданының екі ауылында карантин енгізілді жалғасып жатқан күйдіргі індетіне байланысты. Инфекция малды мал қорымының жанында бағу салдарынан болды.