Ақмола облысының тұрғыны әжесінің қайтыс болғанын жасырып, үш жыл бойы оның зейнетақысын алып тұрған. Ақмола облыстық прокуратурасы баспасөз қызметінің мәліметінше, айыпталушы қылмыстық жауапкершілікке тартылған.
«Зейнетақымен қамтамасыз ету мәселесі бойынша жүргізілген талдау барысында 2021 жылы 1937 жылы туған зейнеткер П.Е.Н. Зеренді ауылында қайтыс болғаны анықталды. Өз кезегінде марқұмның туған немересі оның зейнетақы банк картасын иемденіп, саналы түрде, өзімшілдік ниетпен, жеке баю мақсатында, уәкілетті органдардан өлім фактісін жасырып, қайтыс болған әйелдің банк картасын пайдаланып, жүйелі түрде зейнетақы төлемдерін ұрлаған», - делінген хабарламада.
Қылмыскер барлығы 4 млн теңгеден астам қаражатты ұрлаған. Зеренді ауданының прокуратурасы ҚК 190-бабы 3-бөлігі 1-тармағы (ірі мөлшердегі алаяқтық) бойынша сотқа дейінгі тергеу жүргізген.
Нәтижесінде айыпталушы кінәлі деп танылып, оған 3 жыл бас бостандығынан айыру жазасы орташа қауіпсіздік мекемесінде өтеу белгіленген. Келтірілген залал сомасы мемлекет кірісіне өндірілген.