Қаржылық мониторинг агенттігі (ҚМА) «Жайлы мектеп» ұлттық жобасы аясында 30 млрд теңге көлеміндегі артық шығыстарды анықтады.
«Қазинформ» ХАА мәліметінше, ҚМА төрағасының орынбасары Қайрат Бижанов барлық құрылыс жобалары бойынша болдырмалған негізсіз шығыстардың жалпы көлемі 242,4 млрд теңгені құрағанын хабарлады. Бұл көрсеткіш өткен жылғы деректен (40,5 млрд теңге) алты есеге артық.
Бижановтың атап өтуінше, мұндай нәтижеге ҚМА әзірлеген, жобалық-сметалық құжаттаманы талдау және құрылыс материалдарының қымбаттаған құнын анықтау үшін арналған «AQIQAT» ақпараттық жүйесін енгізудің арқасында қол жеткізілді.
Жүйе отандық өндірушілердің дерекқорларымен, баға анықтамалықтарымен және ҚазҚҒЗИСА (Қазақ құрылыс және сәулет ғылыми-зерттеу және жобалау институты) материалдарымен интеграцияланған.
«Жүйеге жобалық-сметалық құжаттаманы жүктеу жеткілікті, сонда жасанды интеллект элементтері бар енгізілген модуль деректерді автоматты түрде цифрландырады, оларды қазақстандық өндірушілердің базасымен салыстырады және қымбаттауды анықтайды», – делінген хабарламада.
Бижанов ҚМА барлық бюджеттік бағдарламалар әкімшілеріне жүйеге қолжетімділік беруге дайын екенін атап өтті. Бұл қамту аясын едәуір кеңейтуге және баға белгілеу мен бюджет қаражатын пайдалануды бақылаудың тиімділігін арттыруға мүмкіндік береді деп күтілуде.
Еске сала кетейік, бұған дейін Степногорск прокуратурасы қала әкімдігі ұйымдастырған жалпы сомасы 710 млн теңге болатын 9 мемлекеттік сатып алудан заңбұзушылықтарды анықтады.
Заңбұзушылықтар тауарлар, жұмыстар және көрсетілетін қызметтер құнының қымбаттауынан, жұмыстардың артық көлемдерін қосуды, сондай-ақ заңнамаға сәйкес келмейтін қатысушыларға талаптар белгілеуден көрінді.