Абай облысының әкімдігі жалпы құны шамамен 170 млн теңге болатын алты қызметтік автокөлік сатып алуға тендер жариялады.
Бұл туралы Telegram-арнасы «За нами уже выехали» мемлекеттік сатып алу порталына сілтеме жасап хабарлайды.
Тендерлік құжаттамаға сәйкес, әкімдік әрқайсысы 42 млн теңге тұратын екі өкілдік сыныптағы автокөлік сатып алуды жоспарлап отыр. Техникалық құжаттамада көрсетілген сипаттамаларға қарағанда, бұл Kia K9 моделі болуы мүмкін. Тағы төрт көліктің әрқайсысы 21 млн теңге тұрады. Бұлар, ең жоғары жиынтықтағы Hyundai Sonata болуы ықтимал.
Айта кетейік, 2025 жылдың басынан бастап Абай облысының әкімдігін президент Қасым-Жомарт Тоқаевтың бұрынғы баспасөз хатшысы Берік Уәли басқарады.
Еске сала кетейік, Президент бұған дейін бюджет қаражатын толық үнемдеуге және оны тек ең өзекті міндеттерді шешуге жұмсауға шақырған болатын.