Қарағанды облысының прокуратурасы мемлекетке заңсыз берілген 37 жер учаскесін, сондай-ақ «Сарыарқа» хоккей клубын қайтарды.
Ведомствоның баспасөз қызметінің мәліметінше, клуб 900 млн теңгеге бағаланып отыр. Қазіргі уақытта прокурорлар мемлекеттік мүлікті жекешелендірудің заңдылығын тексеріп жатқаны хабарланды.
«Мемлекеттің экономикалық мүдделерін қалпына келтіру мақсатында, заңсыз сатып алынған және жекешелендірілген мемлекеттік меншік объектілерінің барлығы бойынша прокурорлық қадағалау және ықпал ету шаралары қабылданады», - деп мәлімдеді прокуратурада.
Өз кезегінде Telegram-арнасы «Nege.Aqsha» «Сарыарқа» хоккей клубы Мәжілістің бұрынғы спикері Нұрлан Нығматулиннің інісі - Арғынның мүдделері аясында екенін хабарлайды.
«Оны клубтың негізін қалаушы деп атайды. 2018 жылы директор қызметінен кеткеннен кейін ол клубтың «өзгермейтін» тәлімгері және кеңесшісі болып қалды», - делінген хабарламада.