Бұрынғы «Жасыл технологиялар және инвестициялық жобалар орталығы» басқарма төрағасы Олжас Агабеков Астанада сыбайлас жемқорлық үшін сотталды. Сонымен қатар экология және табиғи ресурстар вице-министрі Мансұр Ошурбаев тәртіптік жауапкершілікке тартылды.
Сыбайлас жемқорлыққа қарсы іс-қимыл агенттігінің баспасөз қызметінің мәліметінше, Агабеков Дубайдағы экологиялық іс-шараны ұйымдастыру кезінде "ҚазМұнайГаз" ҰК" АҚ ақша қаражатын жымқырды деп айыпталған. Залал 121,6 млн теңгені құрады.
Оның үстіне, ол кәсіпкерден 35 млн теңге көлемінде пара алуға, сондай-ақ басшылық құрамға 8,2 млн теңге сомасында заңсыз сыйақы төлеуге күдіктелді.
Нәтижесінде Агабеков 9 жылға бас бостандығынан айыруға және мемлекеттік қызметте лауазымдарды атқару құқығынан өмір бойына айыруға сотталды.
"Сыбайлас жемқорлыққа қарсы қызметтің ұсынуы бойынша экология және табиғи ресурстар вице-министрі толық емес қызметтік сәйкестік түріндегі тәртіптік жауапкершілікке тартылды", - деп түйіндеді ведомствода.