Алматы әкімі аппараты 2024 жылы бюджеттен автомобильдерді жалға алуға 247 млн теңге бөлді. 144 млн теңгеден астамы жеткізушіге төленіп қойған. Белгілі болғандай, қала әкімшілігі мұндай келісімшарттарды жылына екі рет жасайды.
Factcheck.kz мәліметтеріне сәйкес, бірінші келісімшарт қаңтардан ақпан айының соңына дейін жарамды болды, ҚҚС-ты есепке алғандағы төленген сома 41,2 млн құрады. Әкімдік 14 автомобильді жалға алды, оның ішінде шығарылған жылы 2019 жылдан ерте емес 8 бизнес-кластағы көлік, шығарылған жылы 2018 жылдан кеш емес 4 жоғары орта кластағы көлік және шығарылған жылы 2017 жылдан ерте емес, 18 орындық 2 шағын автобус болды.
Сонымен қатар, техникалық сипаттамаға сәйкес, жұмысқа 14 жүргізушіні, бір диспетчерді, бір медицина қызметкерін және екі инженерлік-техникалық қызметкерді тарту қажет болды.
Әкімдік биылғы жылы келесі келісімшартты сәуір айында жасасты. Оның құны ҚҚС-ты есепке алғанда 205,8 млн теңгені құрады, алайда қазіргі уақытта тапсырыс беруші тек 102,9 млн теңгені төледі. Бұл жолы жергілікті әкімшілік шығарылған жылы 2022, 2019 және 2013 жылдан ерте емес үш жоғары класты автомобильді, шығарылған жылы 2019 жылдан ерте емес бір бизнес-кластағы автокөлікті, шығарылған жылы 2010 жылдан ерте емес бір орта кластағы автомобильді, сондай-ақ шығарылған жылы 2017 және 2009 жылдан ерте емес екі шағын автобусты жалға алды. Қалған талаптар өзгерген жоқ.
Сонымен қатар, былтыр Алматы әкімдігінің автокөлік жалдауының жалпы сомасы 182,4 млн теңгені құрағаны хабарланады. Сондай-ақ, 2022 жылы әкім аппаратының автомобильдерге 146,9 млн теңге жұмсағаны, 2021 жылы бұл сома 182,8 млн теңгені, ал 2020 жылы 208,5 млн теңгені құрағаны белгілі болды.
Сонымен қатар, келісімшарттардың көп бөлігі конкурс өткізбей, тікелей жасалғаны хабарланады. Тапсырыс беруші тендерге ашық конкурс жариялаған, алайда нәтижесінде келісімшарттар бәрібір өтпеген мемлекеттік сатып алулар бойынша бір көзден жасалған.
Журналистер әкімдіктің автопаркі 160 көліктен тұратынын, оның ішінде Toyota Land Cruiser, Toyota Hiace, Toyota Coaster, Kia K900, Skoda Superb, Kia Cadenza, Kia Quoris, Mercedes-Benz Sprinter, Mercedes-Benz S400, Mercedes-Benz S500, сондай-ақ Mercedes-Maybach S680 бар екенін анықтады.