Алматыда Қайрат Сатыбалдының бұрынғы әйелі Гүлмираға қатысты сот талқылауы жалғасуда. Зардап шеккендер – Жүнісов бауырлары – Абай, Алтай және Қасым Гүлмира Сатыбалдыдан және оның жүргізушісі Мади Батыршаевтан материалдық және моральдық зиянды өндіріп алуды сұрайды.
Айыптау тарапы бауырлардың кәсібі мен мүлкінен осылардың кесірінен айырылды деп есептейді. Айта кетейік, Абай Жүнісов Гүлмира Сатыбалдының бұрынғы күйеу баласы.
Bes.media деректеріне сәйкес, айыптау актісінен зардап шеккендерге келтірілген материалдық залал 1,2 млрд теңгені құрайды. Алайда Жүнісов бауырлары айыпталушылардан 10,9 млрд теңге өндіріп алу туралы азаматтық талап қойды.
- Абай Жүнісов Гүлмира Сатыбалды мен Мади Батыршаевтан материалдық залал үшін 2,6 млрд теңге, сондай-ақ моральдық зиян үшін 7,8 млрд теңге өтемақы өндіруді талап етеді.
- Алтай Жүнісов материалдық залал үшін 109 млн теңге, сондай-ақ моральдық зиян үшін 100 млн теңге өтемақы талап етеді.
- Қасым Жүнісов материалдық залал үшін 233 млн теңге, сондай-ақ моральдық зиян үшін 100 млн теңге өтемақы талап етеді.
Өз кезегінде Гүлмира Сатыбалды мен Мади Батыршаев азаматтық талапты мойындамады.
«Құрметті сот, менің ойымша, бұл маған мүлдем қатысы жоқ. Мойындамаймын», – деп түсіндірді Мади Батыршаев.
Еске сала кетейік, бас бостандығынан заңсыз айыру, бопсалау және өз билігін асыра пайдалану айыптары туралы былтырғы жылы Гүлмира Сатыбалдыға үкім шығарылар алдында сотта белгілі болған еді, оған нәтижесінде бөтеннің мүлкін иемдену және жымқыру үшін 8 жыл бас бостандығынан айыру жазасы кесілген болатын.