Астана қаласының қылмыстық істер жөніндегі ауданаралық соты өздерінің онлайн-жобасына қатысты резонанстық іс бойынша блогерлер Ерболат Жанабылов пен Эльмира Төлегеноваға үкім шығарды. Шешім сот талқылауы аяқталғаннан кейін жарияланды.
СОТ ҚАНДАЙ ҮКІМ ШЫҒАРДЫ
Ерболат Жанабылов 2 жыл бас бостандығынан айыру шартты түрде мүлкін тәркілеу және пробациялық бақылаумен жазаланды.
Оның әйелі — Эльмира Төлегеноваға кәмелетке толмаған балаларының болуына байланысты жазасын 2 жылға кешіктірумен ең төменгі қауіпсіздік мекемесінде 2 жыл бас бостандығынан айыру жазасы тағайындалды.
ҮКІМГЕ ШАҒЫМ БЕРІЛЕ МЕ
Сотталғандардың адвокаты Гаухар Айтжанова қорғаушы тараптың апелляциялық шағым беруге ниеті жоқ екенін хабарлады.
«Шағым беріп, апелляцияға өтініш жасамаймыз. Ең бастысы – жігіттер бостандықта. 2 жылға кешіктіру берілді. Егер Эльмира тарапынан ешқандай бұзушылық болмаса, сот оның өкінуі мен талапты өтеуін ескере отырып, оны одан әрі жазадан босатуы мүмкін», — деді Гаухар Айтжанова.
ЖАНАБЫЛОВТАР НЕМЕН АЙЫПТАЛДЫ
Танымал блогерлерге ҚР ҚК 214-бабы 2-бөлігінің 2-тармағы («Заңсыз кәсіпкерлік») және ҚР ҚК 218-бабы 2-бөлігінің 1-тармағы («Қылмыстық жолмен алынған ақшаны және (немесе) өзге мүлікті заңдастыру (жылыстату)») бойынша айып тағылды.
ІСТЕ ҚАНДАЙ СОМАЛАР КӨРСЕТІЛДІ
Бұған дейін прокурордың аға көмекшісі айыптау актісін жариялады, оған сәйкес блогерлер көрсеткен жүлделер мен сыйлықтар жобаға қатысушылардың ақшасына сатып алынған, ал жарнамада жүлде қоры ұйымдастырушылардың жеке қаражатынан құралатындай әсер қалдырылған.
Тергеу нұсқасы бойынша, жобаға қатысты шоттарға 247 млн 653 мың теңге түскен.