Ұлттық қауіпсіздік комитеті (ҰҚК) Астана қаласы полиция департаментінің (ПД) көші-қон қызметі басқармасы бастығының орынбасары Әлия Макаеваға қатысты сотқа дейінгі тергеп-тексеру жүргізілгенін растады. Ведомство іс туралы қосымша мәліметтерді заңнама талаптарына сілтеме жасап, жарияламады.
ҰҚК-ДЕ НЕНІ РАСТАДЫ
BES.media деректеріне сәйкес, ҰҚК бұған дейін интернетте Әлия Макаеваның ұсталғаны туралы тараған ақпаратқа қатысты сауалға жауап берді.
ҰҚК-нің ресми жауабында іс бойынша сотқа дейінгі тергеп-тексеру жүргізіліп жатқаны хабарланды. Өзге ақпарат ҚР ҚПК-нің 201-бабының 1-бөлігіне сәйкес жария етілмейді.
БҰҒАН ДЕЙІН ҚАНДАЙ АҚПАРАТ ТАРАДЫ
Telegram-арнасы «Кozachkov offside» деректері бойынша, Әлия Макаеваны ҰҚК қызметкерлері мен ішкі істер министрлігінің (ІІМ) жеке қауіпсіздік қызметі құқық қорғау органдарын тексеру аясында ұстаған.
Дереккөздің ақпараты бойынша, Әлия Макаева ұйымдасқан қылмыстық топқа (ҰҚТ) қатысуға және заңсыз көші-қонды ұйымдастыруға күдікті.
Алдын ала деректер бойынша, күдіктілер басқа мемлекеттердің азаматтарына заңсыз тұруға рұқсат ресімдеуі мүмкін.
