15 наурыз Қазақстанда республикалық референдум – Конституцияның жаңа редакциясын қабылдау бойынша өтті. Экзитпол нәтижелері жарияланғаннан кейін Президент Қасым-Жомарт Тоқаев бұл күн жыл сайын Конституция күні ретінде аталып өтетінін мәлімдеді.
Экзитпол деректері бойынша, азаматтардың көпшілігі конституциялық реформаны қолдады. Референдумның орталық комиссиясының мәліметінше, дауыс беруге қатысу көрсеткіші 73,24% құрады.
ЖАҢА КОНСТИТУЦИЯ КӨПШІЛІКТІҢ ҚОЛДАУЫНА ИЕ БОЛДЫ
Президент Қасым-Жомарт Тоқаев республикалық референдумның экзитпол нәтижелері жарияланғаннан кейін мәлімдеме жасады. Оның сөзінше, ел азаматтары конституциялық реформаны қолдады және мемлекетті жаңарту пайдасына таңдау жасады.
Мемлекет басшысы 15 наурыз жыл сайын Конституция күні ретінде аталып өтетінін, өткен дауыс берудің тарихи маңыздылығын атап өтті.
Әлеуметтік зерттеулер деректері бойынша, референдумға қатысушылардың көпшілігі негізгі заңның жаңа редакциясын қолдады:
- Еуразиялық интеграция институты — «жақтап» дауыстардың 86,7%;
- «Социс-А» кешенді әлеуметтік зерттеулер институты — 87,4%;
- AMANAT партиясының Қоғамдық саясат институты — 88,6%.
Референдумның орталық комиссиясының мәліметінше, дауыс беруге 9 126 850 азамат қатысты, бұл дауыс беру тізімдеріне енгізілгендердің 73,24% құрайды.
______________
Анықтама үшін: Экзитпол — бұл дауыс беру аяқталғаннан кейін учаскелерден шыққан сайлаушылардың әлеуметтік сауалнамасы. Мұндай зерттеулердің қателігі әдетте 1,5–3% құрайды.
ПРЕЗИДЕНТТІҢ ЖАСТАР БЕЛСЕНДІЛЕРІМЕН КЕЗДЕСУІ
Референдумнан кейін Қасым-Жарт Тоқаев «Қазмедиа орталығы» студиясында үгіт науқанына қатысқан жастар ұйымдарының өкілдерімен кездесті.
Президент жастардың қоғамдық науқандағы рөлін атап өтіп, жаңа Конституцияның соның ішінде жас ұрпаққа бағытталғанын айтты. Оның сөзінше, негізгі заңға еріктілер қызметі, ғылым, инновациялар және жасанды интеллект сияқты бағыттар енгізілген.
Кездесуге қатысқандар:
- «Жастар рухы» ұйымының төрайымы Әкерке Искендирова;
- кәсіпкер және креативті индустрия өкілі Кәмил Байрамов;
- белсенділер Ержан Хамитов және Нұрбол Серікбай.
Кездесуге қатысушылардың сөзінше, бір ай ішінде олар шамамен 5 мың іс-шара өткізді, оған 1,5 млн астам азамат қатысты.
Президент сондай-ақ алда елді жазда өтуі тиіс Парламент сайлауын қоса алғанда, одан әрі саяси жұмыс күтіп тұрғанын мәлімдеді.
ПРЕЗИДЕНТ РЕФОРМАНЫҢ МАҢЫЗЫ ТУРАЛЫ НЕ ДЕДІ
Мемлекет басшысы жалпыұлттық референдум ашық және заңға сәйкес өткенін айтты.
Оның сөзінше, отандық және шетелдік байқаушылар дауыс беру барысында демократиялық рәсімдердің сақталғанын атап өтті.
Қасым-Жомарт Тоқаев жаңа Конституция елдің одан әрі дамуына бағдар және мемлекет құрылысының негізі болуы керектігін атап өтті.
«Жаңа Конституция – біздің Тәуелсіздігіміз бен Егемендігіміздің іргетасы. Негізгі заң – адам құқықтары мен бостандықтарының мызғымас кепілі», – деді Президент.
Сондай-ақ ол реформаны ел азаматтарының қолдауы қоғамдық бірлік пен мемлекеттің болашағы үшін жауапкершіліктің куәсі болғанын атап өтті.
ӨҢІРЛЕР БОЙЫНША РЕФЕРЕНДУМҒА ҚАТЫСУ
Референдумның орталық комиссиясының деректері бойынша, ел бойынша дауыс беруге қатысу 73,24% құрады.
Дауыс беру аяқталғаннан кейін учаскелік комиссиялар дауыстарды санауға кірісті. Заңнамаға сәйкес, санау рәсімі 12 сағаттан аспауы тиіс.
2026 жылғы 16 наурызда сағат 11:00-де Қазақстан Республикасы Референдумының орталық комиссиясы дауыс берудің алдын ала қорытындыларын жариялайды деп күтілуде. Осыдан кейін ТМД байқаушылар миссиясының және шетелдік сайлау органдары делегациясының өкілдері сөз сөйлейді.