В Өскеменде бұрынғы Шығыс Қазақстан облысы (ШҚО) әкімінің орынбасары Жақсылық Омарға қатысты сот процесі жалғасуда. Мемлекеттік айыптаушы оған алты жыл бас бостандығынан айыруды сұрады.
ПРОКУРОР НЕ СҰРАДЫ
YK-news.kz басылымының хабарлауынша, прокурор соттан жеңілдететін мән-жайларды ескеруді сұрады. Атап айтқанда, Жақсылық Омар бұрын сотталмаған және жеті баланың әкесі екені көрсетілген.
Сонымен қатар мемлекеттік айыптаушы ауырлататын мән-жай – мемлекеттік қызметшінің антын бұзуды атап өтті.
Нәтижесінде, прокурор мемлекеттік қызметте және квазимемлекеттік секторда лауазымдарды атқаруға тыйым салына отырып, 6 жыл бас бостандығынан айыруды сұрады.
Алғашқы сот отырысында айыпталушы алаяқтық және пара алу ісі бойынша кінәсін толығымен мойындады.
Сот талқылауы жалғасуда, сот түпкілікті шешім әлі шығарған жоқ.
КІМ ТУРАЛЫ СӨЗ БОЛЫП ОТЫР
Жақсылық Омар 2025 жылдың сәуірінен бастап ШҚО әкімінің бірінші орынбасары қызметін атқарды. Тағайындалғанға дейін ол алты жыл бойы Өскеменді басқарды.