Депутаттар НПК 7–9 сынып оқушыларына жыныстық тәрбие және салауатты өмір салты бойынша міндетті сабақтар енгізуді ұсынды. Бұл бастама биологиялық білім беруді реформалау және оқушылардың жаратылыстану ғылымдары бойынша сауаттылығын арттыру туралы депутаттық сауалға енгізілді.
ДЕПУТАТТАР НЕНІ ҰСЫНДЫ
НПК фракциясының депутаттары Ирина Смирнова, Ислам Сүнқар, Мәгеррам Мәгеррамов, Асхат Нуралин және Қайрат Сейтжан премьер-министрдің орынбасары – Мәдениет және ақпарат министрі Аида Балаеваға сауал жолдады.
Құжатта олар биологияны оқыту тәсілін қайта қарауды, оның ішінде 7–9 сынып оқушыларына арналған жыныстық тәрбие және салауатты өмір салты бойынша міндетті сабақтарды енгізуді ұсынды.
ӨТІНІШ АВТОРЛАРЫ ҚАНДАЙ МӘСЕЛЕЛЕРДІ КӨТЕРДІ
Депутаттар мектепте биологияны оқытуда олардың пікірінше бар бірнеше мәселені атады. Олардың ішінде:
- оқу сағаттарының қысқаруы;
- зертханалық және практикалық сабақтардың жеткіліксіздігі кезінде теориялық материалдың басым болуы;
- пәнді оқытуға тұтас көзқарастың болмауы;
- жыныстық тәрбие, психикалық денсаулық және АИТВ/ЖИТС тақырыптарын талқылау кезінде педагогтердің әдістемелік қолдауының жеткіліксіздігі;
- Бірыңғай ұлттық тестілеу (БҰТ) тапсырмаларының күрделілігінің оқушылардың пәнді түсіну деңгейіне сәйкес келмеуі.
Бұл материалды терең меңгерудің орнына үлгі бойынша тестілеуге дайындыққа ықпал етуі мүмкін екендігі атап өтіледі.
ДЕПУТАТТАР ҚАНДАЙ ӨЗГЕРІСТЕРДІ ҰСЫНАДЫ
Фракция биология бойынша оқу жоспарлары мен бағдарламаларын қайта қарауды, сондай-ақ зертханалық жұмыстарды, экскурсияларды және жобалық қызметті қоса алғанда, практикалық сабақтардың көлемін ұлғайтуды ұсынды.
Сонымен қатар, депутаттар оқулықтардағы адам физиологиясы, репродуктивті денсаулық, гигиена, экология және тұрақты дамуға арналған бөлімдерді күшейтуді, сондай-ақ оларды генетика және нейробиология саласындағы заманауи ғылыми деректермен толықтыруды қажет деп санайды.
Жеке тармақ ретінде 7–9 сынып оқушыларына арналған жыныстық тәрбие және салауатты өмір салты бойынша міндетті модульдерді әзірлеу ұсынылады.
САУАЛДА ТАҒЫ НЕ БАР
Басқа бастамалардың қатарында биология мұғалімдерінің біліктілігін арттыру, мектеп кабинеттерін микроскоптармен, гербарийлермен, мүше модельдерімен және цифрлық зертханалармен жарақтандыруды жақсарту бар.
Сондай-ақ депутаттар қорытынды аттестаттау процедураларына денсаулық және экология бойынша практикаға бағытталған тапсырмаларды енгізуді, ал 9- және 11- сыныптардағы бітіру емтихандарын тест форматынан ауызша және практикалық формаларға ауыстыруды қарастыруды ұсынды.
МӘСЕЛЕ НЕМІЗДЕН МАҢЫЗДЫ ДЕП САНАЛАДЫ
Өтініш авторлары биологиялық білім беру сапасын халықтың денсаулығы, экологиялық қауіпсіздік және оқушыларда ғылыми ойлауды дамыту мәселелерімен байланыстырады.
Депутаттардың пікірінше, ұсынылған шараларды іске асыру оқушылардың жаратылыстану ғылымдары бойынша сауаттылығын арттыруға және пәнге деген қызығушылығын нығайтуға ықпал етуі мүмкін.